Kafja është ndër pijet më të preferuara në botë dhe për shumë njerëz është e paimagjinueshme që të mos nisin ditën pa e pirë një kafe.

Kjo pije është e dobishme edhe për shëndetin tonë, pasi një numër i madh studimesh tregojnë se sasia e madhe e konsumuar e kafes është e lidhur me uljen e rrezikut nga demenca dhe kanceri. Megjithatë, ekzistojnë edhe disa efekte më pak të mira, përkatësisht situata të cilave duhet shmangur, ose të paktën të zvogëlohet konsumimi i kafesë.

Ja, në cilat situata rekomandohet shmangia e pirjes së kafesë:

-Nëse kafja është tepër e nxehtë

Sipas raportit të OBSH-së, konsumimi i pijeve të ngrohta mbi 65ºC mund të rrisë rrezikun nga paraqitja e kancerit, andaj në rast kur kafja është tepër e nxehtë është mirë të pritet që të ftohet pak dhe pastaj të konsumohet.

-Nëse jeni të prirë ndaj ankthit

Kofeina ka ndikim stimulues në sistemin e nervave, pasi ndikon në lirimin e kortizolit, hormonit të stresit, i cili mund të krijojë probleme me gjumin. Këto efekte janë më shumë të paraqitura te njerëzit me sulme paniku dhe fobi sociale. Për të ulur ndikimin e kafeinës duhet pirë më pak sasi të kafesë, ndërsa filxhanin e fundit duhet ta pini 6 orë para se të shkoni për të fjetur.

-Pas një nate pa gjumë

Gjumi i pakët ndikon në aftësitë tuaja të mentalitetit, të cilat as sasia më e madhe e kafeinës nuk mund t’i riparojë. Nëse nuk mund të flini të paktën shtatë orë gjatë natës, atëherë është e këshillueshme që t’i shmangeni kafes.

-Sapo të zgjoheni

Pirja e kafesë në ora shtatë të mëngjesit nuk do të ndikojë në nivelin e energjisë suaj. Arsye e kësaj është fakti se hormonet tuaja të stresit janë në nivelin më të lartë në momentin e zgjimit.

Ekspertët sugjerojnë se koha më e mirë për pirjen e kafes është ndërmjet orës 10 dhe 12, kur niveli i kortizolit fillon të bie.